NRK Meny
Normal

Sámiin lei buoret dilli ovdal 1814

Norggas ávvudit dál dan go Norggas lea leamaš vuođđoláhka 200 jagi. Sámiid dilli rievddai heajut beallái maŋŋá go Norga beasai Dánmárkku stivrejumis. Nu muitala historihkkár Steinar Pedersen.

Steinar Pedersen

Steinar Pedersen

Foto: EWA-MARI HEDMAN / NRK SAPMI

Sámiid dilli hedjonii maŋŋil go Norga huksegođii nášunalstáhta maŋŋil 1814. Ovdal lei Norga Dánmarkku stivrra vuolde, ja dalle ledje buot olmmosčearddat seamma árvosaččat. Maŋŋil 1814 álggil Norga sierra stáhta hukset. Nu šattai sámiid dilli heajubun, nu dat muitala historihkkár Steinar Pedersen.

1860-logu rájes álggii dáruidahttin

De gal easka vearránii sápmelaččaid dilli, sii galge dáruidahttot. Danne eai ožžon sii šat hállát sámegiela. Rievtti mielde balle stáhtahuksejeaddjit suopmelaččain geat Norgii ledje boahttán. Balle ahte sii dal ledje Ruossa usttitlačča, Suopma lei dalle Ruošša stivrra vuolde.

Norgii ledje boahtán olu suopmelaččat, ja sis dat balle. Danne bággehalle sii hállagoahtit dárogiela. Skuvllain galggaid beare dárogiella, ja dán mearrádusa šadde sámitge čuovvut.

Gula dás Steinar Pedersena muitaleamen áiggis máŋŋil 1814.