NRK Meny
Normal

– Sámit sáhttet ain diinet «Frozen»-filmma olis

Innuvašuvdna Norggas lohket sámiin ain vejolaš huŧkat mo sáhttet diinet Disney «Frozen» filmma olis.

Stillbilde fra Disney-filmen Frozen: Isfjord

Dákkár luonddugovat leat mielde vuovdaleamen Norgga olgoriikkalaš mátkkošteaddjiide.

Foto: daram

Disney Adventures ja Innovašuvdna Norga leat ovttasbargan ja vuovdalan turismamátkiid Norgii.

Norgii lea stuorra fuomášupmi Disney-filmma «Frozen» oktavuođas, muhto lea Innovašuvdna Norgga ovttasbargu Disney Adventures fitnodagain ámerihkkás, mii de lea heivehan mátkiid Norgii.

Innovašuvdna Norgga ealáhusdirektevra, Per-Arne Tuftin, lohká ámerihkálaččaid háliidit Norggas mátkoštit, earret eará lassi go girdioktavuođat Norgii ja go amerihkálaččaid ekonomálaš dilli lea buorránan.

– Muhto «Frozen» geasuha eambbo turisttaid, lohká Tuftin.

– Eai ráhkkanan diinet filmma olis

Robert Greiner lea čállán girjji «Nordnorske vinnerskaller - slik tok de verden», ja son ii loga boastut maid Disney bargá go fállá mátkiid Norgiid «Frozen»-filmma olis. Almmatge sávašii Greiner sámiid huŧkat mo diinet dieinna filmmain.

Robert Greiner

Girječálli Robert Greiner.

Foto: NRK

– Filbma bođii jagi áigi, ja Innovašuvdna Norggas lohket Davvi-Norgga máŧkeealáhusaid mielde vuovdaleamen Norgga, muhto eai sámit leat váldán njuolgga singuin oktavuođa, lohká Per-Arne Tuftin.

Visit Tromsø, Kyle Parsonage, lohká maid sin guovllus eambbo ámerihkálaš turistta, muhto son ii dieđe leago diet Disney-filbma buktán dán beroštumi.

Parsonage gal sávašii ahte sámi mátkeealáhusfitnodagat miehtá Davve-Norgga, ain diinešiv "Frozen" filmma olis.

Innovašuvdna Norgga ealáhusdirektevra Per-Arne Tuftin, lohká Disney ráhkadeamen ođđa oanehis «Frozen» filmma, ja jáhkká dan vel vuovdalit Norgga.

– Dalle berrejit sámit geat plánejit vuovdalit turismadoaimmaid searvat nugo Davve-Norgga mátkeealáhusa doaimmaide, sávvá son.

Ámerihkkálaš turisttat dáid Disney bearašmátkiin Norgi, háliidit daidda báikkiide Vestlanddas, gos Disney lea viežžan ollu dien filbmii. Jos Innovašuvdna Norgga ealáhusdirektevra Per-Arne Tuftin livččii galgan vuovdalit sámi turismma, de livččii geavahan boazoealáhusa, gávttiid, hearvvaid ja vel guovssahasa, ja das juoga huŧkan.