NRK Meny
Normal

Sámiide galggašii maid lávdi

Norga ávvuda vuođđolága dán jagi, muhto dán 200 jagis ii oro vel sámiin seamma árvu go dážain, vaikke riika lea huksejuvvon guovtti álbmoga ala, dáza ja sámi.

Aili Keskitalo

Sámediggepresideanta Aili Keskitalo

Foto: NRK

200 jagi leat gollan das rájes go Norgga vuođđoláhka čállui. Miehtá riikka gávdnojit iežguđege laganaš lávddit gos dážat čájehit iežaset kultuvrras.

Sámiin livččii gal teáhter, Beaivváš Sámi Teáhter, muhto sis ii leat gal sierra lávdi gos čájehit iežaset muitalusaid. Norgga Sámediggi lea moanát jagiid juo oččodan eiseválddiin áddejumi dasa ahte sámitge dárbbašit lávddi iežaset muitalusaide.

Juollugo son guovtti milljárdda ruvnnus sámi lávdái?

Sámediggepresideanta Aili Keskitalo fuopmášahttá ahte dibmá go ráđđehus árvalii 2014 stáhtabušeahta, de árvalii Solberg-ráđđehus lassáneami 100 miljovnna norgga teáhteriidda ja lávdedáidagiidda.

Dál lohká Keskitalo leat lágabui guokte milljardda ruvnnu, mii galgá juogaduvvot 25 institušuvdna- ja guovlluteáhteriidda, operai ja 75 friddjateáhterjoavkkuide, ja vel 150 eará fálaldagaide, nugo mánáid- ja nuoraidteáhteriidda, dohkkáteáhteriidda, amatørteahteriidda ja eara lávdedoimmaide olles Norggas. Juollugo son dien guovtti milljárddas sámi lávdái?