Sámi valáštallan okta fáttáin otná njuolggosáddagis

Otne álgá sátta diibmo 14.00 ja bistá gitta diibmu 14.30. Prográmma sáddejuvvo njuolgga NRK Sámi neahttasiiddus ja dasto rádios Sáhkaváibmosis diibmu 16.00.

Prográmmajođiheaddjit leaba Kjell Are Guttorm ja Berit Solveig Gaup.

Sáddaga fáttát leat sámi valáštallan, Sámediggeráđi dieđáhus doaimmainis.

Nuppi oasis šaddá sáhka gielddanuppástusas ja Sámedikki oaidnu dan ektui, ja mo sámi bealit leat dien barggus.

Goalmmat oasis jearrá Árja livččiigo áigi Sámedikkis ráhkadit integrerenpolitihka ja maid jurddašit sámegiela oahpahit báhtareddjiide

Gaskavahku álgá maid sátta diibmu 14.00.

• Loga maiddái: Sámediggi doallá historjjálaš dievasčoahkkima Stuorradikkis

Lávdegottečoahkkimat ja dievasčoahkkin Stuorradikkis

Sámediggi doallá lávdegoddečoahkkimiid ja dievasčoahkkima Stuorradikkis čakčamánu 21. beaivvis gitta 25. beaivái 2015.

Lávdegoddečoahkkimat álge vuosárgga čakčamánu 21. beaivve ja loahpahuvvojit maŋŋebárgga čakčamánu 22. beaivve.

Dievasčoahkkin álgá gaskavahkku čakčamánu 23. beaivve, ja loahpahuvvo bearjadaga čakčamánu 25. beaivve.

Dát čoahkkin lea historjjálaš, go ii goassige ovdal leat sámiid álbmotválljen orgána doallan čoahkkima Norgga álbmotválljen orgána dálus.

(Ášši joatkašuvvá video vuolábealde)

Dievasčoahkkinjođihangotti evttohan áššelistu:

30/15 Vuođđudeapmi
31/15 Ođđa áššiid dieđiheapmi
32/14 Sámediggeráđi doaibmadieđáhus
33/15 Gažaldagat Sámediggeráđđái
34/15 Sámediggeráđi čielggadus sámi valáštallama birra
35/15 Sámedikki dieđáhus solidaritehta ja riikkaidgaskasaš barggu birra
36/15 Sámi mátkeeallin – strategiija viidásat ovddideami várás
37/15 Rievdaduvvon sátnádeapmi Vuođđolága paragráfas 108 ja Vuođđoláhka sámegillii
38/15 Bååstede - Sámi kulturárbbi máhcaheapmi
39/15 Sámedikki 2017 bušeahttadárbu