NRK Meny

Sámi suohkaniid ovttasdahttin

Suohkan- ja ođásmahttinministtár Jan Tore Sanner lea buktán dál muhttunmuddui čielgehusa mo geavva sámegiela hálddášanguovllu suohkaniiguin go galget ovttadahttit eará suohkaniiguin. Dat ođđa stuora suohkan ii galgga dárbbašit ohcát ođđasit searvat sámi hálddášanguovlui. Gáivuona sátnejođiheaddji Svein Leiros lea ain eahpesihkkár mo de šaddá jus sii ovttasdahttojit eará suohkanin mat eai hálit searvat hálddášanguvlui. Suohkan- ja ođásmahttinministtár Sanner čilge ahte dán fertejit čielggadit nu jođanit go vejolaš, ja dát galget ráđđadallat Sámedikkin.