NRK Meny
Normal

Sámi servodatberošteaddjit bivdet Meahcceráđđehusa suddjet Suttesádjaga

24 sápmelačča leat vuolláičállán reivve Meahcceráđđehussii, mas sii ákkastallet manne Suttesádjaga boahtalastinplánat galggašedje bissehuvvot.

Suttesája

Fitnodagat mat áiggošedje boahtalastit Suttesádjaga čázi oaivvildit, ahte dát ii leat bassibáiki. Eaige sii durddit dahje bilit maidige.

Foto: Mikkal Morottaja / Yle

Niillas Holmberg

DOARJU BUHTES SUTTESÁDJAGA: Niillas Holmberg

Foto: Nils Henrik Måsø / NRK

– Mii bisseheimmet Suttesádjaga gávppálaš ávkkástallama jo oktii ja mii dahkat dan ođđasis!

Nu čállet 24 sápmelačča geat leat vuolláičállán reivve Meahcceráđđehussii.

Sii oaivvildit, ahte Suttesája miilla eret Gáregasnjárgga Ohcejoga gielddas lea sámiid bassi báiki ja oassi sámiid oktasaš kulturárbbis

– Danne mii eat dohkket dan privatiserema ja gávppálaš ávkkástallama. Bassi guovlun Suttesádjaga guovllu duođaštit máŋggat báikenamat. Guovllus lea stuorra mearkkašupmi sápmelaččaide viidásit ja dat lea leamaš sámiid oktasaš guovlu ovdal riikkarájáid gitta otná beaivve rádjái, čállet sii.

Áslat Holmberg på ungdomskonferansen i Paris

DOARJU BUHTES SUTTESÁDJAGA: Áslat Holmberg

Foto: Torgeir Varsi / NRK

Vuolláičállit ásset miehtá Sámi ja Suoma. Reivves Meahceráđđehussii sii čilgejit manne vuostálastet Suttesádjaga gávppálaš čáhcefidnu, mii sin mielas rihkošii min sápmelaččaid kultursuoji ja sin vuoigatvuođaid eamiálbmogin.

– Mii bealuštat Suttesádjaga bassi guovllu ja leat gergosat doalvut ášši riikkaidgaskasaš arenaide ja máilmmeviidosaš biras- ja eamiálbmotrivttiid aktivisttaid fierpmádagaide.

– Mii gáibidit, ahte Suttesádjaga gávppálaš čáhcefitnu šluhttejuvvo ja čáhcefitnu álggaheaddjit ohcet eará sajis lobi vuovdigoahtit vuođđočázi. Mii doarjut bargosajiid Ohcejohkii, muhto vuostálastit čáhcefitnu Suttesádjaga bassi guovllus. Buhtes vuođđočáhci lea juohke sajis Ohcejoga gielddas, ákkastallet sii.

Dát olbmot leat vuolláičállán reivve:

Suvi West

DOARJU BUHTES SUTTESÁDJAGA: Suvi West

Foto: Dan Robert Larsen / NRK

Jovnna Jon Ánne Kirste / Kirste Paltto

Evá Hánssa Hilma / Hilma Mustonen

Benne Per Sofe Ovllá Raila / Raila Pirinen

Skuvll'albmá Áslat Niillas Áslat / Áslat Holmberg

Gová Nikko Lásse Nils-Heaikka Sámmola Sunná / Sunna Valkeapää

Áles Ovllá Arvi / Arvi Hagelin

Jovnna Jon Ánne Kirstte Rávdná / Rauna Kuokkanen

Jenni Laiti

DOARJU BUHTES SUTTESÁDJAGA: Jenni Laiti

Foto: Åse Pulk/NRK

Jovnna Jon Ánne Máret / Máret Paltto

Jergul Lemet Iŋggá Raghilda Hilde / Hilde Holmestrand

Jovnna Jon Ánne Máret Kirsi / Kirsi Paltto

Jovnna Ándde Arvi Tomi / Tomi Guttorm

Skuvll´albmá Áslat Veikko Niillas / Niillas Holmberg

Biennaš Jon Jovnna Piera Suvi / Suvi West

Bikká Ándde Lahja Meeri / Meeri Ojanperä

Beaska Niillas

DOARJU BUHTES SUTTESÁDJAGA: Beaska Niillas

Foto: Carl-Gøran Larsson / NRK

Niillasaš Ovllá Ovllá Elna Ánne Márjá / Anne-Maria Magga

Niillasaš Ovllá Ovllá Elna Rosa Máren / Rosa Maren Magga

Niillasaš Jovnna Máret Juhani Sunna / Sunna Nousuniemi

Biennáš Elle Ovllá Elle Máreha Minna / Minna Rasmus

Kuobža-Piáka Ánná / Anna Morottaja

Tuomas Aslak Juuso

DOARJU BUHTES SUTTESÁDJAGA: Tuomas Juuso

Foto: Liv Inger Somby / NRK

Áslat-Niillas Oddmundda Niillas / Beaska Niillas

Heaik´ Ovllá Seija-Risten / Seija-Risten Somby

Heaik´ Ovllá Arjja Rávdná / Rauna Rahko

Mihku-Ilmara Jenni / Jenni Laiti

Gáijjot Ántte Issáha Duommá / Tuomas Juuso