Ášši doaimmaha Marianne Boine
Kárášjohkalaš almmuhii maŋŋebárgga cd` ovttas Guns N' Roses-joavkku gitaristtain Richard Fortusain. Dovddusis ámerihkálaš rockjoavku Guns N' Roses ávžžuha Facebooka ja Twittera bokte iežas badjel 4,4 miljon usttiba guldalit kárášjohkalaš Lasse Kvernmo ođđa cd`.
Guns N' Roses
Beakkánat vuovdalit Sáivu cd
Guns N'Roses' vuovdala Saivu by Saivu -nammasaš cd iežas Facebook-siidduin. Dán cd:s leat njeallja lávlaga janamma das lea Saivu by saivu..
Oahppomátkis šattai maid cd
Lasse Johnsen Kvernmo muitala iežas dán cd:ii lávlon sihke rock- ja poplávlagiid. Ja manne sus cd bođii, dat gal geavai danne go son álo lea čállán teavsttaid. Ii son gal lean navdán gal alddes boahttit cd`, muhto dál lea dat dáhpáhuvvan.
Son manai gal Amerihkkái girdin sertifikáhta dihtii, ja dan áigge son čálii veaháš teavsttatid. Ja muhtimat ávžžuhedje su álgit musihkkárin. Nu son dagai, muhto doppe gos son ásai, doppe ii lean dakkáraš studio, muhto eará gávpogis son gávnnaid musihkkastudio. Ieš son manai dokko, ja nu lei álgu su musihkkáeallimii.
Konsearttain bargagoahttit
Ođđajagis álget sii mátkoštitgoahtit konseartamátkiin. Guovvamánus lea sis konsearta vuos Tromssas ja de Kárašjogas, Álttás ja Hámmafeasttas.
Lasse Johnsen Kvernmo lea giitevaš 100 000 ruvnnuinmaid lea ožžon das maid Finnmárkku báikkálaš musihkkárat ožžot. Dát ruhta manná ollásit dovddusindahket Sáivu-musihka.
