Dán stuorra ja fiinna teáhterčájálmassii masa sii dál ráhkkanit dan muitala Deanu kulturskuvlla oahpaheaddji Ebba Joks leat oalle erenoamážin. Čájálmas lea gelddolaš danne go das lea sáhka eananvulložiin. 17 máná galget dás leat lávddis.
Sunná Šiella
Inger Margrethe Olsen dat lea heivehan teáhterbihttá Sámi mánáidteáhtera lávdái. Ovdalis lea dán su čállosis ráhkadan mánáid tv ráiddu " Májjá ja Sujujujjá". Dál lea Olsen dán heive teáhterčájálmassan.
Erenoamáš gárvvut
Olles 26 gávtti ferte goarrut neavttáriidda, ja eananvulložiidda soitet maid galgat čuovggáhalli biktasat.
Guosse neavttárat
Dása servaba maid Lemet Ánde Buljo ja Inga Juuso. Lemet Ánde galgá ráhkadit musihka ja Ingá Juuso ges galgá neavttastit ja juigat.
Njukčamánus vuosttaš čájáhus
Dát teáhterbihttá lea bearaščájálmas, ja vuosttaš čájálmas galgá leat Deanus njukčamánu 3. beaivvi.
Duiskii čájálmasain
Dáinna čájálmasain galgá maid Sámi mánáidteáhter mátkoštit sámi guovlluin ja maiddái beassá Duiskii ovddastit Norgga máilmmi mánáid teáhter festiválas boahtte geasi. Ja dáinna sii gal leat hui movttat.