NRK Meny
Normal

Sámi logut muitalit: – Sámegiella geavahuvvo eanet girkolaš oktavuođain

Dat boahtá ovdan Sámi logut muitalit gávccát girjjis mii almmuhuvvo duorastaga.

Kautokeino kirke

Guovdageainnu girku lea okta girkuin gos lea lunddolaš sámástit.

Foto: Marie Elise Nystad / NRK

Dán jagi ártihkalčoakkáldaga váldofáddán lea oahppu ja dutkan.

Torkel Rasmussen Sámi allaskuvllas lea guorahallan ohppiidlogu ovdáneami sámegielas vuosttaš- ja nubbigiellan vuođđoskuvllas.

Tom Granseth ohppiid čađagolgan joatkkaoahpahusas sámi guovlluin.

Kevin Johansen geahčada gáiddusoahpahusa geavaheami sámegielaoahpaheamis logi maŋimus jagis.

Lene Antonsen lea čállán artihkkala giellaguovddážiid rávesolbmuidoahpahusa birra sámegielas.

Kari Mortensen lea geahčadan plánaid, juolludemiid ja bohtosiid dutkanráđiid 40 jagi áŋgiruššama oktavuođas sámi dutkamiin.

Tore Johnsen čállá sámegiela geavaheami rievdama birra Norgga girkus.

Magritt Brustad ja Torill H. Lauritsen leaba geahčadan bátnedearvvašvuođa ja bátnedoavttirdávjodaga Finnmárkkus ja sámi guovlluin.

Juohke Sámi logut muitalit almmuhusas lea maid čoahkkeartihkal iešguđet fáttáid birra vai sáhttá čuovvut rievdadusaid máŋgga servodatsuorggis.

– Lokte máhtu

Sámi statistihkaid fágalaš guorahallanjoavku almmuha jahkásaš ráprotta sámi statistihkain. Dát girji lea ráiddu Sámi logut muitalit gávccát girji.

Vuosttaš almmuhuvvui jagis 2008. Ráporta galgá leat mielde loktemin dan máhtu maid ráđđehus ja Sámediggi sáhttet geavahit sámepolitihkalaš barggus, sihke konsultašuvnnain, bušeahttaráhkkanemiin ja doaibmabidjoovddideamis.

Guorahallanjoavkku jođiheaddjin lea Sámi allaskuvlla professor Jon Todal.

Prošeaktajođiheaddjin lea Ynge Johansen.