Sámi komponistta ja musihkkadahkki John Persen lea jápmán. Persen jámii bearjadaga 73 jagi boarisin Oslos. Persen lei máilbme beakkán musihkkadahkki eret Ráigeádjagis Porsáŋggus. Muhto lei guhkkit áigge orron Oslos. Komponistan lei John Persen varra eanemus dovddus operain “Under kors og krone”, maid Norgga Opera diŋgui Guovdageainnu 1852 stuimmiid birra, muhto ii goasiige šaddan čájehuvvot, ja orkesterbargguin Over kors og krone, mii válddii vuođu seamma materiálas ja mii čájehuvvui vuosttaš geardde Oslo Filharmoniske Orkestera bokte. Kulturolmmožin bekkii Persen digaštallamiin. Son lei dehálaš ásahus huksejeaddji ja lei maid dehálaš láidesteaddji ja jođiheaddji Norgga dálááigge musihkkabirrasis.
Girječálli Inga Ravna Eira, sámi girječálliid searvvis, lei okta dain gii čuovui seminára.
– Dát mearkkaša hui olu sámi girjjálašvuhtii ja sámi girječálliide, danin go mii leat guhká váillahan girjjiid mánáide erenomážit ja maiddai nuoraide.
Su mielas lea buorre go dákkár seminára dollo, ja muitala ahte sis lea ihttin gis bargobádji mas galget digaštallat mo galget bargat sámi mánáid girjjálašvuođain ovddasguvlui.
Son čilge ahte Sámis eai leat doarvái mánáidgirječállit, ja jus galget eambbo mánáidgirjjit de adnojit eambbo girječállit maiddái mánáid ja nuoraide.
– Jus mis galgá boahtteáiggis gávdnot sámegiella, de fertet mii álgit mánáiguin ja mánáide. Erenomážit dál galggašii dahkkot hui stuorra bargu oažžut olu sámegiel mánáidgirjji.
Son dadjá ahte mánát galggašedje álgit beassat gullat girjjiid dalán go riegádit ja gitta 13-14 jagi rádjái, muhto ahte Sámis eai leat girjjit buot daid ahkásaččaid.
– Min oainnu mielde lea hui dehálaš sámegielat mánáide oažžut dan vásáhusa, girjjit han ovddidit sámegiela ja go mánát gullet iežaset gillii girjji, dain leat máŋggalágan vásáhusa.