NRK Meny
Normal

Sámi Jienat Stocholbmii

Sámi Jienat koarra oassálasttá ráfi-doaluin mat lágiduvvojit Stocholmmas dán mánus. Koara láidesteaddji Ylva Sarri muitala iežaset searvat justta danne go dát leat doalut main ráálašvuohta lea guovddážis.

Dirigeanta Bernt Mikkel Haglund

Dirigeanta Bernt Mikkel Haglund

Foto: Anne Olli / NRK

Gula jearahallama

Gula Sámi Jienaid lávlumin Biegga biigá

Sámi Jienat koarra

Sámi Jienat koarra

Foto: Anne Olli / NRK

Koara láidesteaddji Ylva Sarri muitala iežaset searvat lávlut ovttas stuorra koarrii man gohčodit Vox Pacisan. Dán koaras leat olu eará riikkaid koarat mielde, ja juohke koarra lávlu iežas lávlagiid. Sámi Jienat koarra lávlu ja juoigá diehtalasat sámegillii.

Ylva Sarri

Ylva Sarri

Foto: Privat

Lávlot ovttas tibehtalaččain

Sámi Jienat koarra lávlu maiddái ovttas tibehtalaččain. Dan sii dahket dán lávvardaga mii lea riikkaidgaskasaš álgoálbmotbeaivi. Dát doalut leat Stocholmma etnográfalaš museas.

Vox Pacis koarain lávlot girkus

Bearjadaga borgemánu 15. beaivvi lávlu Sámi Jienat koarra searválagai Vox Pacis stuorra koarain Sofia girkus. Lávlun bisttá viđa rájes maŋŋilgaskabeaivvi gitta oktanuppelot áigái eahkedis.

Konsearttat juohke eahkeda

Ylva Sarri muitala muđui leat juohke eahkeda koarralávlumiid Skeppsholmenis - Fredsholmemnis, mii lea Vox Pacis suolu. Skeppsholmen - Fredsholmen for Vox Pacis - Fredens Röst. Dát eahketkonsearttat leat juohke eahkeda borgemánu 19. beaivvi rájes borgemánu 23. beaivái.

Gula Sámi Jieanai lávlumin Kyrie