NRK Meny
Normal

Sámi Jienat koarra oahpahallamin

Dál lea Sámi Jienat koarra oahpahallamin Gáresovvonis Riddu Riđđu festiválii Áillohačča luđiid, dása leat ferten ráhkkanit.

Hans Lindi

Hans Lindi

Foto: Anne Olli

Sámi Jienat koarra gos golmma riikkas leat mieldlahttut. Álggos lávlo sii sálmmaid, ja dál leat ges Áillohačča musihkas oahpahallamin lávlut ja juogat koaras.

Synnøve Angell

Synnøve Angell

Álggos ledje badjel 50:s, muhto dál dat leat sullii 20:s geat deaivvadit. Dál leat koarralahttut ferten ruvttus maid oahpahallat, muhtimat váldet cd:ii dan maid galget oahpahallat. Dál lohká Sámi Jienat koara nubbejođiheaddji Synnøve Angell iežaset fertet máhtigoahtit daid rivttes nuohtaid.

Dál dat gal Synnøve Angell muitala alddiineaset šaddamin hoahppu hárjehallat vai oahpašedje bures daid nuohtaid maid sii galget máhttin dalle go Riddu Riđđu álgá. Go doppe galgá Sámi Jienat koarra ovdanbuktit Áillohačča musihka. Dál fertejit nannosit oahpahallat Gáresavvonis, Áillohačča, Nils Aslak Valkeapá luđiid.

Luođit hápmejuvvon koaras lávlut

Son lohká Áillohačča luđiid leat hápmejuvvon nu ahte "Sámi Jienat" koarra sáhttá daid juoigat koaras, earret eará muitala Terje Aho leat čállán ovtta Áillohačča luđiin nu ahte koaras daid juoigá.

Dasalassin lea Bernt Mikkel Haglund heivehan guhta luođi koarrii, ja son dat maid lea son gii lea prošeaktajođiheaddji ja dirigeanta. Dál sii oahpahallet juoigat Gáresavvonis.

Áigot dáid juoigat Riđđu Riđđu festiválas

Na oktii sii gal vel deaivvadit ovdal Riddu Riđu festivála, dalle sii deaivvadit Heahttás.

Kárášjogas lea Hans Lindi ráhkkaneamen vuolgit deaivvadeapmái, ja son hárjehallá deaivat rivttes nuohtaidHans Lindi geavaha klarineahta go oahpahalla dan maid Gáresavvonis galget oahpahallat juoigat ja lávlut Sámi Jienat koaras. Son gulluige čuojaheamen go mun lahkonin su dálu, Nuohtaárkkat ledje hui olu das gos lei čuojaheamen, ja dasttán lei maid piano. Čujanasaiguin son oahpahallá deaivat daid rivttes nuohtaid.

Sqmi Jienat koarra

Sqmi Jienat koarra

Foto: Anne Olli