Hopp til innhold

Luđiin Davvinorgga riemuide

Geassemánu nubbin maŋŋemus vahkku galgá Sámi Jienat-koara oasálasttit Davvinorgga riemuiguin Hárštak-gávpogis. Dán vahkkoloahpa lea koara olles leahtuin hárjehallamin luđiid maid ovdanbuktet geasseriemuin.

Sami-Jienat

Sámi Jienat-koara galgá dán geasi juoigat Davvinorgga riemuin nubbin maŋŋemus vahkku geassemánus. Dál ohcálit eanet dievdduid koarii.

Foto: articphotos.org

Sámi Jienat-koara jođiheaddji, Heidi Salmi muitala ahte sii dán vahkkoloahpa leat olles leahtuin hárjeahallamin.

Luođit miehtá sámi

Luođiid maid koara galgá rohtet Davvinorgga riemuin Hárštak:s leat miehtá sámis, muitala Heidi Salmi. Mii leat fitnán Čeavetjávrris, Snoassas, Johkkamohkkis, Gáresavvonis, mearragáttis. Dáin guovlluin sis leat leamašan meanddurat geat leat veahkehan sin ja addán luđiid, dadjá Salmi.

Sis lea sullii diimmu guhkosaš prográmma riemuin, ja leat juo álgán illudit. Dán vahkkoloahpa leat ge hárjeahallan buot luđiid maid galget ovdanbuktit Hárštak-gávpogis, lohká Sámi Jienat joavkojođiheaddji Heidi Salmi.

Oluhat joavkkus, muhto sávvet eanet dievdduid

Heidi Salmi

Sámi Jienat-koara jođiheaddji, Heidi Salmi sávvá eanet dievdduid searvat iežaset koarii. Sii illudit dál searvamis Davvinorgga riemuide.

Foto: Arne Ivar Johnsen / Nrk

Sámi Jienat-koaras leat leamašan fárus goit lagábui 100 olbmo, muhto eai buohkat leat dieđosge oktanaga hárjehallamin, muitala Salmi. Guovdageainnus ledje dán vahkkoloahpa 37 koaralahttut boahtán. Heidi Salmi sávvá ahte eanet dievddut serven sin koarai, go sis leat eanaš nissonolbmot dál fárus.

Sámi Jienat-koara alggahuvvui 2002s, ja koara lea johttán viidat sihke sámis ja eará riikkain. 2013s ledje internašunála doaluin Ámeriikkas, 2005s ges Mandelakonsearttas Romssas. Muđui lea koara oasálasttan Riddu Riđđu festiálas ja Márkomeanus.

Oasálasttit miehtá sámi

Sii leat stuorimus sámi koara, ja oasálasttit leat viidát sámis. Dáppe leat sihke suoma-, ruoŧa- ja norggabeali koaralahttut. Okta lea boahtán Oslos hárjehallamii Guovdageidnui, ja okta gittá Stockholmas, muitala Heidi Salmi.

– Sii leat ovttaláhkái šaddan dego oappážagat ja vieljažagat go deaivvadit hárjehallamiidda ja sis lea erenoamaš somás vahkkoloahpat, čilge Salmi.

Gula Heidi Salmi muitaleamin Sámi Jienat-koara birra:

Heidi Salmi muitala mo leat ráhkaneamin Davvinorgga riemuide geassemánus.

Korte nyheter

  • Beitekrise i Karasjok - skuterløyper stengt

    Kriseberedskapsutvalget har erklært beitekrise i store deler av Karasjok. På grunn av dette er flere skuterløyper stengt, skriver Karasjok kommune på sin nettside.

    Løype 5 mellom Láŧevuovdi og Guovžilbohki og løype 17 Badjenjárga til Dákteroavvi stenges midlertidig.

    Løypa stenges fram til 8. april av hensyn til reindriften.

    Karasjok kommune kan stenge skuterløyper etter kommunal forskrift om snøskuterløyper § 7.

    Beitekrisen har rammet flere distrikt i Nordland, Troms og Finnmark, og har så langt berørt i overkant av 60.000 rein.
    Foto: Landbruks- og matdepartementet
  • Dieđihit eambbogo 30 goddon Israelea falleheamis Syriijas

    Siviila olbmot ja soalddáhat galget leat goddon israelalaš áibmofalleheamis Syriijas, syriijalaš eiseválddiid dieđuid mielde.

    Eanetgo 30 olbmo galget dieđuid mielde goddon.

    Dieđuid mielde galgá Israel fallehan Aleppo gávpoga mannan ija diibmu 01.45 báikkálaš áigge.

  • – Alimus Hálddahusriekti bággeha ii-sápmelaččaid Sámediggái 

    Sámiráđi ságadoalli Áslat Holmberg oaivvilda, ahte Suoma Alimus Hálddahusriekti (AHR) badjelgeahččá sámi álbmoga.

    – AHR lea ođasmahttán mearrádusaid, mat leat gávnnahuvvon rihkkut sápmelaččaid vuoigatvuođa friddja politihkalaš ortniiduvvamii, oaivvilda Holmberg.

    AHR lea mearridan, ahte mannan čavčča sámediggeválggaid galgá lágidit ođđasit.

    Riekti lea gieđahallan badjel čuođi sámediggeválggaid válgalogahallama ja válgabohtosa guoski váidaga.

    – AHR fas bágge Sámedikki dohkkehit 72 ii-sápmelačča ižas jienastuslohkui. Ná áitá Sámedikki legitimitehta sápmelaččaid ovddastanorgánan, cuiggoda Holmberg.

    Aslak Holmberg
    Foto: Piera Heaika Muotka / Sámiráđđi