NRK Meny
Normal

Sámi guovllut fas sámiid háldui

Árjja bellodaga sámediggeáirras, Jánoš Trosten, evttoha dekoloniseret sámi guovlluid, ja fas atnuiváldit sámi báikenamaid almmolašvuođas.

Jánoš Trotsen

Máhcat sámi guovlluid fas sámiid iežaset háldui, gáibida Árjja bellodaga sámediggeáirras.

Foto: Eilif Aslaksen / NRK

Sámedikki bajásšaddan-, fuolahus- ja oahppolávdegoddi lei árabut dán vahkus meannudeamen sámi báikenamaid almmolaš geavaheami ášši. Lei dan oktavuođas ahte Jánoš Trosten ovddidii árvalusa ahte oalát máhcahit sámi guovlluid fas sámiid háldui.

Dáruiduhtton ja koloniserejuvvon namma

Sámi báikkiin lea báikenamat dáruiduhttima ja koloniserema olis rievdadan, ja Trosten buktá ovdamearkkaid nugomat "Kautokeino, Karasjok ja Tana". Son dadjá ahte dát leat dušše soames ovdamearkkat, ja ahte leat ollu eará sámi báikkit nai main báikenamat leat sámegielas bodnjojuvvon dárogillii.

–Dál lea áigi láddan fas máhcahit sámi báikenamaid ruovttoluotta álgohápmái, dadjá Jánoš Trosten.

Dáruiduhttima váikkuhusat

Jánoš Trosten dadjá ahte Árja bellodat maiddái lea evttohan sierra kommišuvnna man bargun galgá leat suokkardit dáruiduhttima váikkusaid. Trosten dadjá ahte báikenamma lea oassi dáruiduhttima váikkuhusain

  • Guldal Jánoš Trostena dás: