Sámi girkoeallinkonferánsa

Sámi girkoeallinkonferánsa lea Romssas dán mánu 27. beaivve. Girkoeallinkonferánsa lágiduvvo Sámi girkolaš válgačoahkkimin oktavuođas. Norgga girku girkočoahkkin dat lea mearridan ná dahkat dán jagi girkoválggaid oktavuođas. Fáddán dán jagi girkoeallinčoahkkimis lea sisabahkkemat, muitala Sámi girkoráđi váldočálli Risten Turi Aleksandersen.

Risten Turi Aleksandersen
Foto: Privat

Korte nyheter

  • Guokte ođđa njoammuma Kárášjogas

    Dán vahkkoloahpa lea guovtti olbmos duođaštuvvon korona Kárášjogas. Nu lea gielddas dál njealji olbmos korona.

    Guoktásis eai dieđe gos njoammun boahtá. Buohkat leat ollásit boahkuhuvvon.

    Kárášjoga gielda ávžžuha olbmuid garvit dárbbašmeahttun oktavuođa earáiguin go iežas lagamusaiguin dassážii gielddas čielggadit njoammundilálašvuođa.

    Karasjok kommune logo
    Foto: Dan Robert Larsen / NRK
  • Norrbotten šaddá ruoksadin

    Mánnodaga rájes rivdet sisabeassan njuolggadusat Norgii. Dál fertet erremii jus boađát Norrbottenis Ruoŧas, Ungáras ja golmma guovllus Suomas. Dat golbma guovlu leat Keski-Pohjanmaa, Etelä-Pohjanmaa ja Vasa.

    Errengáibádus guoská dušše daidda geain ii leat koronasertifikáhtta. Mánát ja nuorat vuollel 18 jagi eai dárbbaš erremii.

    Lassin Norrbottenii, de lea Ruoŧas ain errengáibádus olbmuide geat bohtet Stockholmmas, Västerbottenis ja Västermanlandas.

    Dat riikkat bissot ain ruoksadin dahje sevdnjes ruoksadin, ja nu lea ain errengáibádus daidda geat bohtet doppe: Belgia, Bulgaria, Greika, Irlánda, Kroátia, Luxemburg, Slovakia, Šveica, Duiska, Nuortariika, Estteeana, Látvia, Lietuva, Románia, Slovenia ja Stuorra- Británnia.

  • Áiggoše fas ruvkki Raarvihkii

    Raarvihkes áiggoše fas álggahit ruvkedoaimmaid. Joma gruver ja Bluelake Minerals áiggoše earret eará viežžat veaikki ruvkkes gos ii leat leamaš doaibma 1998 rájes.

    – Mis lea doaivva ásahit 115 bargosaji norggabeallái, ja 50 bargosaji ruoŧabeallái, dadjá Joma gruver stivrajođiheaddji Peter Hjort.

    Råmalmsilo i Joma Gruve i Røyrvik
    Foto: Anders Selliås