NRK Meny
Normal

Sámi girječálli: – Dehálaš čalmmustahttit sámi girjjálašvuođa

Sámediggi lágida dáid beivvid girjjálašvuodabeivvid.

Forfatter Rauni Magga Lukkari

Girječálli ja lágádusjođiheaddji Rauni Magga Lukkari.

Foto: Anne Olli / NRK

Girječálli ja girjelágádusjođiheaddji, Rauni Magga Lukkari, lea okta dain gii oassálastá girjjálašvuođabeivviin.

– Mun anán dehálažžan dan go Sámediggi lágida dákkáraš beivviid. Mun oainnán dan ahte sámi čáppagirjjálašvuohta ii geasut seammá olu lohkkiid go ovdal, lohká Lukkari.

Girjjálašvuođabeaivvit lágiduvvojit Sámedikki girjerádjosis golggotmánu 13. ja 14. beivviid.

Ikte muitalii Ivar Bjørklund sápmelaš pionera Anders Larsena birra. Siri Gaski hálai sámi biografiijas. Jávrri-Juhán Niillas gis muitalii mo girji «Dánsa birui» riegádii. Leif Braseth logaldalai máttasámi historjjás.

Rauni Magga Lukkari logai osiid guovtti girjjistis, «Gonagasbárdni gii sihkui álddu gatnjaliid» ja «Ozan luopmániid maid mu eadni ii čoaggán».

Odne logaldallá Bodil Mette Louise Amalie Fontain fáttás: «Mo lea massit iežas identitehta».

Anna Sofie Bull Kuhmunen: Son lea váldán girječállioahpu Johkamohkis Ruoŧas. Son muitala iežas giehtačállosis mii lea adopterema birra sámis:. ”Jeatjah vuertemem - bene seamma arhtedimmiem” (”En annan väntan - men samma längtan”).

Loahpas muitala Liv Tone Boine jorgaluvvon mánáidgirjjiid birra.