NRK Meny
Normal

Fálesnuori gielda árvala searvat sámi giellahálddašanguvlui

Fálesnuori gielda árvala searvat sámi giellahálddašanguvlui, ja dál lea váikkuhusčielggadeapmi gulaskuddamis gielddas.

Aili Keskitalo og Ragnar Olsen
Foto: Carl-Gøran Larsson / NRK

Dan oktavuođas lágiduvvui gaskavahku álbmotčoahkkin Fálesnuori gielddaviesus. Álbmogis ledje iešguđet oaivilat. Gaskavahku ovdanbuvttii gielda sin váikkuhusčielggadeami álbmotčoahkkimis. Vaikko eai lean go sullii 25 olbmo čoahkkimis, de ledje guovtti oaiviliid ovddasteaddjit doppe.

Unni Nilsen, guhte ássá ja lea eret Fálesnuoris, de galggašii su mielas gielda áinnas searvat sámi giellahálddašanguvlui.

Ii oainne ávkki

Alf Stenersen, maiddái Fálesnuoris eret, ii gal oainne makkárge ávkki searvat giellahálddašanguvlui, ja lohká dán šaddat menddo divrrasin gildii.

Besset muitalit iežaset oaiviliid

Gulaskuddan áigemearri lea 10. beaivi miessemanus. Sihke priváhta olbmot ja searvvit besset gulahallamis muitalit sin oaiviliid. Gielddastivrra ja sátnejođiheaddji eai leat vuos mearridan áigut go searvat vuoi eai.

Gielddastivra meannuda ášši čakčat muitala Fálesnuori bargiidbellodaga sátnejođiheaddji Ragnar Olsen NRK Sápmái.

Dehálaš čoahkkin

Sámediggepresideanta Aili Keskitalo maid lei álbmotčoahkkimis Fálesnuoris, su mielas leat dákkár čoahkkimat dehálaččat vai álbmot beassá digaštallat fáktádieđuid bokte.

Guldal olles ášši dás:

:Fálesnuori- gielda árvala searvat sámi giellahálddašanguvlui