Stoerre vaerie-filbma govvida áhku, guhte guhká lea čiegadan sámevuođas, muhto de su oabbá vádjola ja son ferte mátkkostit hávdádussii.
Amanda Kernell lea filmma bagadalli ja Åsa Simma lea leamaš mielde giehtačálusbarggus.
«Stoerre vaerie» lea ožžon olu rámi sihke Göteborga filbmariemuin ja Uppsala oanehisfilbmarimuin.
Dat lei maid okta 60 filmmas Sundance filbmariemuin Ámerihkás.
Ruoŧa stuorámus filbmabálkkašupmi
Guldbaggen-bálkkašupmi ásahuvvui jagis 1964. Das rájes leat sullii 450 bálkkášumi geigejuvvon, muhto lea vuosttaš geardde go sámi filbma lea evttohassan Ruoŧa deháleamus ja stuorámus filbmabálkkášupmái, čállá
«Guldbaggen» geigejuvvo
ja okta dain lea buoremus oanehisfilbma, mas Amanda Kernella «Stoerre vaerie» dál gilvvohallá.Dat guokte eará evttohasa dán luohkkás leat David Sandberg filbma «Kung Fury» ja Lovisa Sirén filbma «Audition».
SVT čájehii «Stoerre vaerie» ođđajagimánu 6. beaivve.
TV-kanála iežas almmolaš logut čájehit, ahte filbma lei okta logi eanemus gehččojuvvon prográmmaid gaskkas.