Sámi etnomusihkkaguovddáš lea ášši mii lea váile 30 jagi lea beaggán Kárášjogas, muhto ii leat ovdanahttojuvvon dobbelii. Dál ášši fas loktejuvvo Kárášjoga politihkkáriid beavdde nala. Prošektii lei nammaduvvon sierra stivrenjoavku masa ledje nammadan ovddasteddjiid Sámi komponistasearvvis, Musikk i Finnmark ja Kárášjoga gielddas.Dalá ágga lei ahte dárbbašuvvui biras mii galggai sámi ja etnomusihkkii ásahit duohta suodjalan- ja ovdánahttinvejolašvuođaid.
Robeklistu eastadan
Robekgieldan fertii Kárášjoga gielda eret bidjat Sámi ektnomusihkkaguovddáža ásaheami, dadjá Krášjoga gieldda ráđđeolmmái, Elfrid Boine.
Foto: Monica Falao Pettersen / NRKDalá ráđđeolmmái, Hilda Vuolab, dajai NRK Sápmái jagi 2011 ahte dát guovddáš galggai ovttasbargat daid ásahusaiguin mat juo ledje ásahuvvon, ja ahte dát ásahus ii galgan leat dušše Norgga bealde doaibmat, muhto maiddái Suoma-, Ruoŧa- ja Ruoššabeale Sámis. Ášši ii leat ovdánan dobbelii, masa sivvan lea go Kárášjoga gielda šattai stáhtalaš ekonomiijastivrejumi vuollái, mii mearkkašii ahte fylkkamánni galggai dohkkehit gieldda háhkamiid, dadjá dálá ráđđeolmmái, Elfrid Boine.
- Loga NRK Sámi neahttaođđasiid dás:
Vuoitun sámi guovlluide
Kárášjoga gieldda áššeákkastallamis dalle bođii ovdan ahte Sámi etnomusihkkaguovddáš buvttihivččii buriid váikkuhusaid sámi servodahkii, ja dagahivččii maiddái ahte sámi musihkka dohkkehuvvošii ovdanbuktinvuohkin. Sámi etnomusihkkaguovddáš livččii gieldda ákkastallamiid mielde maiddái positiiva vuoitu sámi guovlluide, danin go dat livčče dagahan ođđa kulturbargosajiid ja eará fitnodatásahemiid, ovdanboahtá prošeaktaraporttas.
Hukset ođđa dálu
Kárášjoga Sámeálbmotbellodaga gielddastivrra áirras ja várresátnejođiheaddji, John Nystad, áigu fas loktet sámi etnomusihkkaguovddáža ášši politihkkáriid beavdde nala Kárášjoga gielddastivrras. Son ákkastalla ahte gielda lea juo lea radjet moaddelot miljovnna hukset ođđa vistti, gosa áigot Kárášjoga ođđa kulturviesu, Sámi dáiddamusea ja Sámi etnomusihkkaguovddáža, dadjá Nystad.
Goas dasto sáhttet huksenbarggut álggahuvvot, mun jearralin Joh Nystadas.
–Politihkas mun lean oahppan ahte čielga áigemeari, beaivvi dahje jagi, ii sáhte dadjat, muhto čielggas lea ahte dálá Kárášjoga politihkkalaš eanetlogus leat dáhttu dán ášši ovddidit, váastida john Nystad.
- Guldal jearahallama ášši birra dás:
