NRK Meny
Normal

Sátnegirjái árvaluvvo bálkkašupmi

Sámi-duiskka sátnegirji maid Klaus Peter Nickel ja Pekka Sammallahti leaba čállán lea nominerejuvvon Norgga Fágagirječálliid- ja jorgaleaddjiid Searvvi sátnegirjebálkkašupmái.

Sámi-duiskka sátnegirji

Otne eahkedis čielgá makkár girjjit ožžot Norgga Fágagirječálliid- ja jorgaleaddjiid Searvvi iešguđet bálkkašumiid. Diibmá almmuhii Davvi Girji Sámi-duiskka sátnegirji ja dát 804 siidosaš girji leage dál nominerejuvvon sátnegirjebálkkašupmái.

- Somá jus vuoittášii

Sátnegirječálli Klaus Peter Nickel

Sátnegirječálli Klaus Peter Nickel

Bálkkašumi juohkindilálašvuođa Oslos čuovvuba guktot girječállit, Klaus Peter Nickel ja Pekka Sammallahti. Ja doppe lea maid Davvi Girjji oahpponeavvo doaimmaheaddji Seija Guttorm.

- In dieđe mo de manná, muhto livččii somá jus girji vuoittášii, lohká Sieja Guttorm. Son lea jo hirbmat duhtavaš go girji lea nominerejuvvon dán árvvolaš bálkkašupmái.

Erenoamáš buori girjái

Fágagirječálli Pekka Sammallahti

Sátnegirječálli Pekka Sammallahti

Norgga Fágagirječálliid- ja jorgaleaddjiid Searvvi sátnegirjebálkkašupmi juhkko girječállái dahje girječálliide gii/geat leat ráhkadan erenoamáš buori (fremragende) sátnegirjji. Bálkkašupmi sáhttá juhkkot sihke searvvi lahtuide ja daidda geat eai leat lahttun. Sátnegirji sáhttá leat almmostahtton girjin dahje eloktronalaš hámis.

Bálkkašupmi sáhttá, muhto ii dárbbaš, juhkkojuvvot juohke jagi. Bálkkašupmái gullá ruhtasubmi ja dáiddalaš bargu.