Dál áigu NSR ovddidit dán sierra áššin Sámedikkis.
Ferte iskkat vejolašvuođaid
Preassadieđáhusas čállá NSR ahte sierra sámi dearvvašvuođadoaimmahat sáhtašii doaibmat gelbboguovddážin sámeáššiin, nu go eará dearvvašvuođadoaimmahagaid ja gielddaid ektui.
– Dál lea sámi dearvvašvuođabálvalus ollu čatnon eaŋkilolbmuide, nu ii sáhtte leat, deattuha NSRa Sámediggejoavkku jođiheaddji Aili Keskitalo.
Dál bivdá NSRa Sámediggejoavku iskkagoahttit lea go vejolaš ásahit sierra sámi dearvvašvuođadoaimmahaga.
Čohkket gelbbolašvuođa
Norgga Sámiid Riikasearvi árvvoštallá čohkket gelbbolašvuođa ja valjjodaga mii gávdnu sámis dearvvašvuođaáššiide.
Aili Keskitalo oaivvilda dán ávkin sámi buhcciide ja fágaolbmuide maid.
– Ná maid sáhttá olles sámi fitnet mielde, ii dušše Finnmárkku, deattuha Aili Keskitalo.