– Mii dieđus dárbbašat danin go min dálá bargi, dat generálačálli luohpá iežas bargoáigodagas. Dál leat mii ohcamin dieđusge ođđa bargi, ođđa jođiheaddji čállingoddái, dadjá Sámi Dáiddárráđi jođihanforuma bargolávdegotti áirras, Biret Risten Sara.
Jođiheaddji doaibmaáigodat bistá njeallje jagi, ja Brita Kåven lea doaimmahan dán virggi guokte maŋemuš áigodaga.
- Loga maid:
Sámi Dáiddárráđis leat guhtta miellahtttosearvvi, ja Sara oaidná ge dárbbu ain lasihit bargiid boahtteáiggis.
– Jo, dan gal dahkat. Mii leat geahčadan makkár dárbbut mis leat čállingottis, ja makkár bargit mis galggašedje. Mii dárbbašat sihke prošeaktabargiid, márkanfievrridanbargi, diehtojuohkin-, ja giellabargiid, ja mii dárbbašat searvvi čálliid.
Stipeandajuohkin ja hálddašeapmi lea okta dain doaimmain maid ráđđi doaimmaha. Sámi Dáiddárráđđi vuođđuduvvui 1987, ja lea máŋgii lasihan virggiid, maŋimuš 2006, ja dál leat golmmas barggus ráđis.
- Loga maid: