Hopp til innhold

Sámi allaskuvla oažžu 6 millijovnna ruvnno ásahit oahppofálaldagaid Nuorta-Finnmárkkus

Stuoradiggi lea juolludan 6 millijovnna ruvnnu Sámi allaskuvlii. Dainna lea allaskuvla rektor Laila Susanne Vars hui duhtavaš.

– Lean giitevaš go Stuoradiggi juolluda allaskuvlii liige ruđa vai mii beassat hábmet ja álggahit oahppofálaldagaid Nuorta-Finnmárkkus. Sámi allaskuvllas lea leamaš dát áigumuš maŋemuš jagiid, muhto mis lea váilon ruhtadeapmi, dadjá Vars.

Allaskuvllas lea maid mihttun váldit oasi vástidit sámi servodagaid guovddáš máhttodárbbuid ja nannet guovddáš sámi servodagaid ja birrasa. Dán ruhtadeami geažil duohtandahká daid mihttuid ja nannet Sámi allaskuvlla oahppofálaldagaid Nuorta-Finnmárkkus.

Ruhtadeapmi lea oassin aitto mearriduvvon doaibmapáhkas, mas ráđđehusbellodagat ja SG Stuoradikkis leat soahpan juolludit oktiibuot 105 millijovnna ruvnno. Ulbmil ruhtadeami lea ásahit bargobáikkit ja addit buoret fálaldaga Nuorta-Finnmárkku álbmogii.

Nu čállet preassadieđáhusas duorastaga.

Les på norsk.

Sámi allaskuvlla rektor, Laila Susanne Vars.
Foto: Marie Louise Somby / Árvu

Korte nyheter

  • Ii oaččo báhčit guovžža mii sávzzaid lea goddán

    Robert Severin Pedersen lea ohcan goddon sávzzaid máŋga vahkku. Sus lea sávzadoallu Leavnnjas.

    – Lea heahti ahte ferten bere geahčat suorbmaid čađa go guovža goddá sávzzaid. Dán dili in sáva geasage, muitala son.

    Severin Pedersen muitala ahte lea gávdnan 14 goddon sávzza.

    Son lea ohccan báhčinlobi, muhto stáhtahalddašeaddji ii ahte, go ii galgga leat hoahpolaš dilli.

    Dálkkádat- ja birasdepartementa ii leat vástidan NRK:ii dán áššis.

    Loga ášši dárogillii:

  • Váldon gitta guokte olbmo vejolaš veagalváldima maŋŋá

    Ođasmahtton 13.24: Politiijat leat váldán gitta nuppi olbmo. Nu dieđihit twitteris.

    Politiijat Áltás dieđihit twitteris ahte leat váldán gitta vuolleahkásaš olbmo maŋŋá go ožžo dieđu veagalváldima birra.

    Politiijat ožžo dieđu dáhpáhusas sullii beal ovtta áigge sotnabeai ija.

    – Mii leat dál bargamin gávdnat nuppi vejolaš vearredahkki, muitalit politiijat twitteris.

  • Elle Maija videre i Stjernekamp

    Med sin unike operasang, der storparten av sangen består av mjauing, rasket Elle Maija Klefstad Bær med seg nok stemmer til å gå videre til neste runde av Stjernekamp.

    Mia Gundersen trakk det korteste strået, og får ikke fortsette i sangkonkurransen.

    Stjernekamp 2023, Elle Maija Klefstad Bær
    Foto: NRK