Hopp til innhold

Korte nyheter

  • 13 duššan dán jagi

    13 olbmo leat jápmán dán rádjai astoáiggefanasgeavaheami olis. Nu dieđiha riddodoaimmahat, mearrajohtolatdirektoráhta ja gádjunsearvi. Diibmá dušše 26 olbmo astoáiggefanasgeavaheami oktavuođas.
    Sihke riddodoaimmahat, mearrajohtolatdirektoráhta ja gádjunsearvi gohččot dál olbmuid várrogasat johtalit mearas go jáhkket šaddat hušas geasi.

    Fritidsbåter
    Foto: Nina Kristiin Vraa / NRK
  • Hástalusat Sámediggeválggaid olis

    Ođđa raporta čájeha ahte gielddat diibmá vásihedje sámediggeválggaid čađaheami hástaleaddjin.
    Mii váldit máhcahagaid duođalažžan ja galgat ságastallat sámedikkiin dán birra maŋŋá geasi, lohká guovddášbellodaga gieldda ja guovllu ministtar Sigbjørn Gjelsvik

    Sametingsvalget. Klemet Erland Hætta stemmer i Kautokeino
    Foto: Malene Larsen Gaino / NRK
  • Suoma presideanta giitalii Norgga Nato-čoahkkimis

    Maŋŋágo Nato mearridii bovdet Ruoŧa ja Suoma suodjalusovttastusa lahttun, dollui oktasaš preassačoahkkin. Suoma presideanta Sauli Niinistö giitalii Norgga ja Danmárkku.

    – Giittán davveriikkalaš ustibiideamet. Dii lehpet dorjon min ja dat lea hirbmat dehálaš. Proseassa ii leat leamaš nu álki Supmii dahje Ruŧŧii. Davveriikkain lea olu oktasaš ja dál lea dorvopolitihkka maid oktasaš. Davveriikkalaš ovttasbargu nanosmuvvá dáinna, dajai Sauli Niinistö.

    NATOs toppmøte i Madrid
    Foto: Henrik Montgomery / TT / NTB