NRK Meny
Normal

Sámenieida jođihišgoahtá máilmmi eamiálbmotnuoraid

Nuorra sámenieida lea válljejuvvon jođihit máilmmi eamiálbmotnuoraid.

Ida Hætta Ophaug

OĐĐA JOĐIHEADDJI: Ida Ristiinná Hætta Ophaug.

Foto: Karen Inger Lise Anti / NRK

Guovdageaidnolaš Ida Ristiinná Hætta Ophaug lea válljejuvvon jođihit Ovttastuvvan Našuvnnaid Global indigenous Youth Caucus, mii lea máilmmi eamiálbmotnuoraid juogus ja mii ovddida eamiálbmotnuoraid beroštumiid ON:s.

Hætta Ophaug lea okta golmma ođđa jođiheaddjis. Dat guokte eará leaba meksikolaš Dali Angel ja ámerihkálaš Jordan Harry.

Gárasavvonlaš Tuomas Aslak Juuso ges luobai nuoraidjuhkosa jođiheaddjin, mas lea leamaš jođiheaddjin golbma jagi ovttas guvttiin earáin (Jocelyn Ting-Hui Hung Chieniin Taiwanas eret ja Sky Scholfield USA:s eret).

Juuso lei maid mielde ásaheame nuoraidjuhkosa, ja lei nuoraidjuhkosa ovddasteaddji eamiálbmotmáilmmekonferánssa proseassas ja erenoamážit loahppadokumeantta ráđđádalladettiin.

FNs permanente forum for urfolk

Čájáhusgovva dán jagi Ovttastuvvon Nášuvnnaid bissovaš eamiálbmotforuma čoahkkimis New Yorkas.

Foto: Ewa-Mari Hedman / NRK