Hopp til innhold

Ráisa ja Skuohtenjárga vuite Verddečiekčamiid

Ráissanieiddat vuite dán jagi Verddečiekčamiid Buvrovuonas, Návuonas, ja Kárášjoga joavku Skuohtenjárga ges dievdduid čiekčamiid.

Reisajentene

Ráissanieiddat vuite dán jagi Verddečiekčamiid Buvrovuonas, Návuonas. Finálas vuite sii Siskkit-Návuona vuostá.

Foto: Verddeturnering

Oktiibuot 12 nissonolbmo- ja 26 dievdojoavkku serve dán jagi Verddečiekčamiidda Buvrovuonas.

Ráissanieiddat buoremusat

Ráissanieiddat vuite dán jagi Verddečiekčamiid. Finálas vuite sii Siskkit-Návuona vuostá. Spertagáisá/Iešjohka nieiddat oláhedje goalmmát sáji.

Skuohtenjárga

Kárášjoga joavku Skuohtenjárga vuite dán vahkkoloahpa Verddečiekčamiid Návuonas. Sii vuite finála Sáivuomisiidda vuostá.

Foto: Verddeturnering

Kárášjoga joavku buoremus dievdduin

Kárášjoga joavku, Skuohtenjárga vuite ivttá finála Verddečiekčamin Buvrovuonas, Návuonas. Sii vuite Sáivuomesidda vuostá finálas. Biertavárri oláhedje goalmmat sáji.

Suohpangiehta

Verddečiekčamin lágiduvvo maid suohpangiehta, njoarostallangilvu. Dán jagi lei Láhkkonjárgga njoarosteaddji, Mikkel Andreas Eira gii vuitii dán gilvvu. Nubbin buoremus suohpangiehta šattái Mikkel P. Bongo.

Odne lágiduvvojit mánáid čiekčamat Buvrovuonas mat álget diibmu 13.00.

Korte nyheter

  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi
  • Eai beasa gieldda gohčodit Pajalan kunta

    Ruoŧa ráđđehus hilgu Pajala gieldda ohcamuša geavahit meänkieli nama «Pajalan kunta» gieldda bálddalas namman, čállá Fria Tider áviisa.

    Ráđđehus mieđiha, ahte lea vuogas čalmmustahttit veahádagaid ja nannet veahádatgielaid.

    Almmatge deattuha ráđđehus, ahte ii ovttage gielddas Ruoŧas leat eambbogo okta almmolaš namma. Sii livčče spiehkastan dás jus livčče dohkkehan ohcamuša.

    Fertešii lágaid rievdadit jus galggašii sáhttit gielddaide dohkkehit eambbogo ovtta nama.

    Meänkieli
    Foto: Svenske Tornedalingers Riksforbund – Tornionlaaksolaiset
  • Gielddaluohti bohciidahttá digáštallama

    Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.

    – Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    – Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.

    Herman Rundberg ja su joavku Manne dat leat ráhkadan dán luođi.

    – Luođi mihttomearri ii lean suhttadit olbmuid, muhto digáštallan lea bures boahtin, árvala Rundberg.

    Gáivuona gielddastivra ávžžuha sidjiide ovddidit máhcahemiid gielddaluođi birra. Áigemearri lea dán mánu maŋimuš beaivve.