NRK Meny
Normal

Sámegillii gullet dihto ivnnit

Soapmásat mearrasámis lohket ahte jos it máhte sámegiela de gal berret garvit dihto ivnniid. Lea Mearrasámi Duodjedálu Solveig Johannessen gii muitala ahte soapmásiidda leat ivnnit, mat čiŋahit gávtti, čatnon gillii.

Kárášjoga gákti
Foto: Arne Ivar Johnsen / Nrk

Solveig Johannesen

Solveig Johannessen

Foto: Arne Ivar Johnsen / Nrk

Mearrasámi Duodjedálus Billávuonas Porsáŋgguvuona oarjjabealde ohppet olbmot earret eará goarrut luhka ja gávtti. Gieskat ledje doppe soapmásat goarrumin headjagávtti ja dan oktavuođas de gárttai sáhka gákteivnniid birra. Jos fal olmmoš ii hála sámegiela de berre garvit gávtti mas leat alit, rukses ja fiskes ivnnit danin go diet ivnnit muitalit earáide ahte máhtat sámegiela vaikko it máhte. Nu lohká Mearrasámi Duodjedálu Solveig Johannessen.

Sámi stádačálli maid oažžu gávtti

Solveig Johannessen lea goarrumin gávtti maid sámi stádačálli ja iežas ristnieida Anne Karin Olli galgá oažžut. Anne Karin lea ovdal ožžon gávtti muhto dál son háliida vel alit ivnnat gávtti mas vel leat burgunder ja fiskes ivnnit. Mearrasámi duodjedállui lea maid olmmoš boahttán gii ássá Jáhkovuonas Fálesnuori gielddas. Son oažžu veahkki goarrut gávtti mii galgá geavahuvvot heajaid oktavuođas.