Sámediggi lea válljen 24 nuorra giellaseailluheaddji Sámis, Oslos gitta Unjárgii. Nuorat leat mánu áigi deaivvadan ja galget fas ihttin deaivvadit Romssas joatkkit iežaset dehálaš barggu. Deatnulaš, Ánte Trostena mielas lea dehálaš searvat dákkár bargui, go giella lea dehálaš oassi sámi kultuvrras.
Oahppat eará suopmaniid
Ihttin deaivvadit 24 sámi nuora Romssas, gos galget joatkkit barggus "Sámás muinna" dahje "snakk samisk te-mæ" masa leat searvan. Dáppe leat iešguđet sámi suopmanat, ja Deatnulaš Ánte Trosten oaidná maid dehálažžan oahppat eará suopmaniid.
Álgit sámástit máiddái sosiála mediain
Lea Sámediggi gii čađaha giella kampánja, ja prošeaktajođiheaddji Kirsten Appfjell mielas lea dá dehálaš bargu. Appfjell mielas lea dehálaš ahte oččodit eanet nuoraid álgit sámástit sihke njálmmálaččat ja čálalaččat nugo sosiála mediain, mii maid lea okta prošeavtta ulbmiliin.
- Gula ášši: