Sámegielat vájalduvvojit
Gieldda- ja ođasmahttinministtar, Jan Tore Sanner, dovddasta ahte almmolaš ásahusat maŋimuš áiggiid leat vajálduhttán jorgalit čálalaš diehtojuohkimiid sámegielaide. Dat boahtá ovdan breavas maid ministtar lea sádden eará stáhtaráđiide. Cuoŋománus muitaleimmet mánáidsuodjalusgihppaga birra, mii lei jorgaluvvon 11 gillii - muhto ii baicce sámegielaide. Jan Tore Sanner vuordá ahte almmolaš ásahusat dás rájes jorgalit čálalaš diehtojuohkimiid sámegielaide, ja čujuha Sámelága geatnegasvuođaide.