NRK Meny
Normal

Evttohit bissehit doarjaga árbediehtoprošektii

Sámi Allaskuvlla árbediehtoprošektii, evttohit Sámedikki eatnelohkobellodagat jagi 2016 Sámedikki bušeahtas sihkkut badjelaš 1.1 miljovnna ruvnno sturrosaš ruhtajuolludeami.

Tradisjonell samisk mat app

Sámedikki eanetlohkkobellodagat árvalit oalát sihkástit doarjaga Árbediehtoprošektii.

Foto: Jenna Rasmus / NRK

Bušeahtaovttasbargama olis gaskal Norgga Sámiid Riikkasearvvi ja Bargiidbellodaga mielddisbuktá ahte Sámeikki eanetlohkku dál evttoha sihkkut 1.15 miljovnna ruvnno sturrosaš doarjaga Sámi Allaskuvlla Árbediehtoprošktii. Evttohus lea bullehan digaštallama áirasiid gaskkas, go eai buohkat doarjjo dan árvalusa. Árjja, Olgešbellodat ja Johttisámiidlistu evttohit juolludit 600.000 ruvnno Árbediehtoguovddážii.

Dehálaš prošeakta

Sámediggi lea dimmá juovlamánus deaivvadan Gielda- ja ođasmahttindepartemeanttain gos earret eará dát ášši birra leat ságastallan. Dan čoahkkimis Sámedikkis ja departemeanttas lei ovttasmielalašvuohta dasa ahte dát lei dehálaš prošeakta. Bealálaččat leat soahpan joatkit ságastallamin gávdnamis sámi árbediehtoprošektii bistevaš čovdosa.

Ráđđádallamis gávdnat ruhtačovdosa

Beavdegirjjis maŋŋil dien ráđđádallančoahkkima boahtá ovdan ahte jus Árbediehtoguovddáža ii leat vejolaš ásahit bistevažžan ovdal jagi 2016 ođđajagimánu 1.beaivvi, de galge ráđđádallanbealálaččat fas ságastallat dán ášši birra ja gávnnahit gaskaboddosaš čovdosa jago 2016 doibmii. Ráđđádallanbealálaččat maiddai dalle mearridedje ahte Sámi Allaskuvla galgga leat oassin dán proseassaoazodoalu bidds.

Bisut boazodoalu olggobealde Sámedikki

Per A. Bær

Guovdageainnu Johttisápmelaččaid Listtu sámediggeáirras, Ovlin Ánte Biera mielas ferte biazodoallu bisuhuvvot olggobealde Sámedikki.

Foto: Heaika Nilsen Skum / NRK

Guovdageainnu Johttisápmealaččaid Searvvi Sámediggeáirras, Ovlin Ánte Biera, dadjá ahte Bargiidbellodaga ja Norgga Sámiid Riikkasearvvi bušeahttaevttohus duođašta ahte sii leat bargat riekta go lea cakkadan boazodoalu biddjomis Sámidikki hálddašeapmai. Dán oktavuođas son čujuha bušeahtaáššái, go NSR ja Bargiidbellodat leat evttohan sihkkut olles doarjaga árbediehtoprošektii ja unnidit doarjaga Protect Sámpái.

  • Guldal Ovlin Ánte Biera dás:

NRK Sápmi čuovvu bušeahttamearrideami Sámedikkis.