NRK Meny
Normal

Gaskka-Norgga Sámeskuvla Sámediggái

Sámedikki eanetlohkku mearridii otná dievasčoahkkima álggaheami oktavuođas bidjat Gaska-Norgga sámeskuvlla ášši ođđa áššiin dievasčoahkkimis, mii dál lágiduvvo Kárášjogas.

Vibeke Larsen (Ap) og Kirsti Guvsám (NSR)

Bargiidbellodaga parlamentáralaš jođiheaddji, Vibeke Larsen ja Norgga Sámiid Riikkasearvvi parlamentáralaš jođiheaddji evttoheigga loktet Gaska-Norgga Sámeskuvlla Sierra áššiin Sámediggái.

Foto: NSR

Bargiidbellodaga parlamentáralaš jođiheaddji, Vibeke Larsen, evttohii Sámedikki dievasčoahkkima vuođđudeamis Gaska-Norgga sámeskuvlla sierra áššiin, mii ii lean merkejuvvon áššelisttui. Son ákkastalai ahte lea dehálaš ahte Sámediggi buktá cealkámuša áššái dan vahku juo danin go Stuorradikki Girko- oahpahus- ja dutkanlávdegoddi loahpalaččat gárvvista ášši stuorradikki meannudeapmái.

Sámeskuvlla heaittiheapmi rihkku vuođđolága

John Kappfjell

Bargiidbellodaga sámediggeáirras, John Kappfjell oaivvilda ahte Gaska-Norgga Sámeskuvlla heaittiheapmi rihkku vuođđolága.

Foto: Heaika Nilsen Skum / NRK

Bargiidbellodaga sámediggeáirras, John Kappfjell, váillahii dieđuid Gaska-Norgga Sámeskuvlla áššis Sámediggeráđi dieđáhusas. –Ášši ii obage namuhuvvo Sámediggeráđi dieđáhusas, vaikko dát lea ášši mii Sámediggái lea dehálaš ja masa Sámediggi lea bidjan ollu návccaid, dajái Sámediggeáirras, John Kappfjell. Son dadjá ahte Norgga ráđđehusa mearrádus ahte heaitihit Gaska-Norgga Sámeskuvlla rihkku vuođđolága, ja oažžu olles doarjaga eará bellodagain Sámedikkis.

Livččii galgan namuhuvvot ráđi doaibmadieđáhusas

Sámediggepresideanta Aili Keskitalo mieđiha ahte sii dieđusge livčče galgan dán ášši namuhit dieđáhusas.

  • Guldal Aiki Keskitalo vástádusa dás:

Áidna lullisámegielat gáiddusfálaldat

Vibeke Larsen čujuhii áššii ovdanbidjamis ahte lullisámegiella lea uhkiduvvon giella, ja merkejuvvon UNESCO duohta uhkiduvvon gielaid listtui. Ákkastallamis son maiddái čujuhii dasa ahte bealli lullisámi mánáin ožžot lullisámegielas gáiddusoahpahusa Gaska-Norgga Sámeskuvllas, ja ahte skuvla maiddái lea áidna ja stuorimus ásahus mii fállá lullisámegielat gáiddus oahpahus.

Ášši ođasmáhttojuvvo.