NRK Meny
Normal

– Ferte vuoruhit doaimmaid

Sámediggi berre hárvvibut mannát departemeanta čoahkkimiidda, ja baicca deaivvadit olbmuiguin, rávve mediaráđđeaddi. Várrepresideanta ii leat ovtta oaivilis.

Sametinget / Sámediggi
Foto: Sara Beate Eira / NRK

– Norgga Sámediggi ferte leat eambbo dihtomielalaš das movt áigu olahit álbmogii. Dán oaivvilda mediaráđđeaddi, gean sámediggeráđđi lea bálkáhan alcceseaset oahpahit gulahallama.

Wenche Pedersen Blått Blikk Medias gohčču Sámedikki jurdilit lea go dárbu searvat buot departemeanta čoahkkimiidda, muhto galggašedje baicca olbmuiguin deaivvadit eambbo.

GULDAL: Sámedikki gulahallan olbmuiguin