NRK Meny

Sámediggi álmmuhii oahppoduođaštusa

Iežas interneahttasiidduide álmmuhii Sámediggi davvinorgalaš nisu oahppoduođaštusa. Dát dagahii ahte lei measta olles mannan vahku buohkaide vejolaš lohkat nissonolbmo skuvlaárvosániid, Sámedikki poastajournálas. Dakkár persovdnadieđuid eai galgga ásahusat álmmuhit internehttii, dadjá Norgga diehtobearráigeahču ossodatdirektevra, Helge Veum, gii gáibida čilgehusa Sámedikkis.