Sáme subtssasav ietjas birrusijs tjállám

– Gut dal ij la máno birra imájdallam? Dav tjáppa guojttis jårbugav mij la nav gievrra.

Nav álggá Murgosvuonaga Sissel Horndala ådå girjje «Silbbamánno» majt de javlaj åvddåla almodij.

Subtsas Silbbamáno-girjen la næjtso birra mij ælov la gæhttjamin gå de Stállo suv ládadallá ja suv de dajna vuolgat. Næjttso dal gæhttjal Stálos bessat. Valla álgos ittji subtsas galga girjjen sjaddat.

– Åvdås gå girjjen sjattaj, de lij subtsas manus subtsastimoavddusin majna de Eirin Edvardsenijn manádijma, dagu dal julevsáme girjjebussa maŋen. Oadtjuv gatjálvisájt jus ij dássta girjje sjatta, ja de nav moadda gåvå muv ájádusáj sinna badjánin. Navti de vijmak sjattaj.

Sissel Horndal: – Kreativitet kan man trene

Ietjá láhkáj usjudallat

Gå álgos lij subtsastimoavddus, de lij stuorra barggo duov dáv rievddat åvdås gå girjjen sjattaj.

– Gå girjijn barga, de la dagu filmav dahkat jali oavddusav gånnå gåvåj tjadá máhtá subtsastit. Nav de sjaddin ållo gåvå dan girjen. Ietjá láhkáj hæhttuv usjudallat tevsta mærráj gå gåvvågirjijn bargav.

Elfábmohárpo ja Iphone

Ja Sissel Horndal giehttu vásádus girjes la dal ulmutjis ulmutjij. Juska le árbbedábálasj sáme subtsas, de gåvåjs vuojná dát le huoman ådåájggásasj.

– Dahkam lav galla geldulasj subttsasav, gåvåj tjadá aj, juska dal gåvå e gájka subtsasta. Gå elfábmohárpov, Iphoneav ja ietjá ådåájggásasj ræjdojt sárggum lav, de dajna sidáv gåvvidit vaj dagu udnásj ájggáj aj gullu.

Suv gåvå Berlijnnaj

Dájddár dal idjabiejve barggá, dagu dal gå vuosádusájn le barggamin. Suv gåvå dal Berlijnnaj, Dujska rijkkaj manni.

– Le vuosádus Berlijnan mij namma le «Into the Wind». Dasi le tjoahkkim 15 tjuorggijt ma li nuorttarijkalasj mánná- ja nuorragirjálasjvuodaj tjanádam. Vuosádalladuvvá ålles Dujskan, ja aj ietjá rijkajn.

Sissel Horndal nominert til Nordisk råds pris

Girjje «Silbbamánno» almoduváj dárruj, ja la gålmmå sámegielajda jårggåluvvam; julevsámegiellaj, oarjjelsámegiellaj ja nuorttasámegiellaj.