Sáme dájdda gånågispárraj
Oarjep Fuoldá suohkana almmulasj vattáldahka gånågispárraj dán sunnuv fylkamanon, mij uddni álgij, lij gåvvå Sissel Horndalas.
Sissel Horndal la måttijt gåvåjt mánájgirjijda tjuorggam, ja måttijt mánájgirjijt iesj tjállám. Horndal la gånågispárraj vattáldahkan válljim tjuorggasav girjes Silbbamánno. Ja dat girje vuodo lij histåvrrå Murkosvuonas guhti gielladutke Just Knut Qvikstad la tjállám. – Dajna de dát hiebaj vattáldahkan. Ja munji l de stuorra guddne gå de bessiv gånågispárraj vattáldagav tjuorggat ja vaddet, javllá dájddár ja tjuorgge Sissel Horndal. Lågå ienebuv girje birra dánna: