NRK Meny

Sáhttet oažžut beaivesáhkuid

Golbma biebmanfitnodaga geat buvttadit steriila biebmoluosaid sáhttet oažžut beaivesáhkuid jus eai leat sihkkarastán ahte guliin lea dohkálaš dilli njukčamánu 15.beaivái. Nu dieđiha biebmobearráigeahčču preassadieđáhusas. 800 000 kruvdnosaš beaivesáhku leat dan maid NRS Norway Royal Salmon ja Nord Senja Laks ja Wilsgård Fiskeoppdrett šaddet oktiibuot máksit. Fitnodagat leat lohpidan vástidit biebmobearráigehččui ovdal áigemeari.