Sáhttet massit bátnedoarjaga

Boahtte jagi rájes sáhttet máŋggas massit doarjaga maid dál oažžu stádas jus leat botnjut bánit ja dárbbaša veahki njulget daid. Dan dieđiha Stavanger Aftenblad-aviisa. Go ráđđehus dán čavčča almmuha stádabušeahttaevttohusa, de leat árvalan váldit eret oasi dán doarjagis maid dál addet mánáide geat dárbbašit njulget bániid. Sulli 10 000 bearraša manahit de doarjaga ja dáinna sáhttá stáda seastit 100 mijovnna ruvnno.