Sáhttet leat nuppe dan mađe
Oljodirektoráhtta árvvoštallá dál ahte Barentsábis sáhttet leat nuppe dan mađe olju- ja gássaresurssat go dan maid dán rádjai leat meroštallan. Oljodirektevra Bente Nyland almmuhii otne oljodirektoráhta guorahallanbohtosiid. Dát addá buori vuođu mearridit mo norgga davvi áhpeguovlluid resurssaid ávkkástallat boahtte áiggis, nu lohká Nyland.
