Hopp til innhold

Sáhttá nammaduvvot presideantaevttohassan

Son sáhttá nammaduvvot Árjja bellodaga ođđa presideantaevttohassan maŋŋil go dálá evttohas, Láilá Susanne Vars, mearridii luohpat politihkkalaš doaimmain.

Inger Eline Eriksen (Árja) sámedikkis bártniinis Hiljein.

Árjja bellodaga sámediggeáirras, Inger Eline Eriksen sáhttá nammaduvvot bellodaga presideantaevttohassan, maŋŋil go Árjja sámediggeáirras, Láilá Susanne Vars, mearridii luohpat politihkkalaš doaimmain.

Foto: Berit Nystad / NRK

– Árjja bellodaga sámediggeáiras, Inger Eline Eriksen, sáhttá nammaduvvot bellodaga presideantaevttohassan.

Dan dadjá Árjja bellodaga stivrrajođiheaddji, Trond Einar Karlsen.

Liigečoahkkin mearrida

Son deattuha ahte lea gal bellodaga liige jahkečoahkkin mii loahpalaččat mearrida gii bellodaga presideantaevttohas galgá leat, ja dadjá ahte stivra gal ollásit doarju Eriksena presideantaevttohassan.

Árjja bellodaga liige jahkečoahkkin lágiduvvo Oslos dán jagi golggotmánu loahpageahčen, muitala Karlsen.

Guhká diehtán

– Bellodaga stivra lea guhká juo diehtán ahte Láilá Susanne Vars lei mearridan luohpat politihkkáriin, go son bargá Gáldus, mii dál galgá sirdojuvvon Norgga našonála olmmošvuoigatvuođaásahusa vuollásažžan.

Dan muitala Karlsen, muhto dadjá ahte stivra easkka dá gieskat lea ožžon dieđu goas dát dáhpáhuvvá.

Ii vel mearridan

–Son ii leat vel mearridan vuolgá go bellodaga presideanta evttohassan. Nu vástida Inger Eline Eriksen, ja lohka fertet dan čielggadit bearrášiinnis.

Eriksen lohka maiddái fertet guláskuddan iežas bargoaddiin. Inger Eline Eriksen nammaduvvui duopmárfapmohassan Sis-Finnmárkku doggágoddái diibmá borgemánus.

Publisert

Mer fra NRK Sápmi

Korte nyheter

  • Ođđasat - Davvisámegillii

    53 proseantta Norgga kulturásahusain fuomášuhttet sámi dáidaga

    53 proseantta Norgga kulturásahusain leat fuomášuhttán sámi dáidaga, vaikke vel eai leat sámi ásahusat.

    Dan dahket go sin mielas lea sámi kultuvra ja dáidda miellagiddevaš, earret eará danin go sámi dáidda lea riikkaidgaskasaččat oidnosis, Norgga sámepolitihkalaš áššiid dihtii ja Duohtavuođa- ja soabahankommišuvnna raporta dihtii.

    40 proseantta ii-sámi kulturásahusain fas dadjet sin mielas ii guoskka sámi dáidda sidjiide, ja danne eai leat bargan čájehit sámi kultuvrra ja dáidaga.

    Dat boahtá ovdan Kulturdirektoráhtta ođđa raporttas, gos leat kárten mo kulturdoaimmahusat Norggas barget sámi kultuvrrain ja dáidagiin. Dakkár iskkadeapmi ii leat ovdal dahkkon.

    Synnøve Persen, Hans Ragner Mathisen, Iver Jåks
    Foto: Wenche Marie Hætta / Nrk
  • Ođđasat - Davvisámegillii

    Kuhmunen erenoamáš listtus Ruoŧas

    Ruoŧa jođiheaddjiid searvvi, Ledare, mielas lea nuorra sámenisu Sara-Elvira Kuhmunen okta dain geasa sis lea erenoamáš jáhkku, ja gean navdet ain eanet lihkostuvvat boahtteáiggis.

    Searvi ráhkada jahkásaččat listtu maid gohčodit «Framtidens kvinnliga ledare». (Boahtteáiggi nissonjođiheaddjit). Listtus leat 75 nuorra nissonolbmo nama, ja olles listu almmuhuvvo miessemánu 18. beaivvi.

    Sara-Elvira Kuhmunen lea Johkamohkis eret, ja lea Sáminuorra searvvi jođiheaddji.

    Sáminuorra dat lea ge almmuhan dán dieđu listtu birra iežas Instagram-konto bokte.

    Kuhmunen lea maŋemus jagiid áŋgiruššan dáistalit sápmelaččaid vuoigatvuođaid ovddas, ja son lea maid ovdagovva eará sámi nuoraide.

    Kuhmunen lea maid oassálastán Sámi Grand Prix gilvvus ja son lea gieskat ožžon Ubmi sámesearvvi nuoraidbálkkašumi.

    .

    Sara Elvira Kuhmunen, Sáminuora jođiheaddji
    Foto: Anne Maret Päiviö / Sameradioen
  • Ođđasat - norsk

    Med på lista over «Framtidens kvinnliga Ledare» i Sverige

    President for ungdomsorganisasjonen Sáminuorra, Sara-Elvira Kuhmunen, er i år med på lista over «Framtidens kvinnliga Ledare».

    Det er det svenske fagforbundet for ledere, Ledarna, som årlig lager denne lista.

    Lista består av 75 personer som er sjefer og ledere, og er unge kvinner. Hele lista offentliggjøres 18. mai.

    Det er Sáminuorra som melder om dette på sin Instagram-konto.

    Fagforbundet Ledarna har over 100.000 medlemmer.

    Kuhmunen er fra Johkamohkki /Jokkmokk i Nord-Sverige.

    Hun deltok i joike-delen i Sámi Grand Prix 2022 med joiken «Čuvggodit». Hun gikk videre til gullfinalen, som Jörgen Stenberg vant.

    Kuhmunen ble i 2023 tildelt Anders Carlberg-minnepris, som tildeles årets unge forbilde i Sverige.

    Sara-Elvira Kuhmunen
    Foto: Per Heimly / NRK

Langlesing

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen