Sáhttá guovdduštuvvot moatti sadjái
Pássaid čáliheapmi olbmuide sáhttá guovdduštuvvot moatti sadjái Finnmárkkus. Go Åse Merete Elde áiggui ođasmahttit pássa Honnesvágis, báikkálaš politiijakantuvrras, de oaččui son diehtit ahte dat bálvalus dáidá heaittihuvvot báikkis. Boahtteáiggis fertejit davvenjárgga olbmot váldit oktavuođa Álttá politiijaiguin oažžun dihte pássa. Jos ná šattaš, de fertejit geavahit ovtta olles bargobeaivvi fitnat Álttás, ja divrrasin maid šaddá, oaivvilda Elde.