Sáhttá šaddat historjjálažžan

Olmmáivákke gáicaboanda sáhttá odne šaddat historjjálažžan.

Even Steinlien

Dá lea Even Steinlien su ovddeš gáicanávehis, dál lea son huksen stuorát náveha. Govva lea váldon 2010:s.

Foto: Klemet Anders Sara / NRK

Even Steinlien

Steinlien ii loga iežas vuordit vuoitit nammagilvvu.

Foto: Klemet Anders Sara / NRK

Olmmáivákke gáicaboanda Even Steinlien sáhttá odne šaddat historjjálažžan jus fal oažžu iežas nama ovtta namahis gáhttii Aker Bryggas Oslos.

Tommy Øien dat fuobmái árvalit iežas fuolkki nammagilvui, ja sivvan lea go Steinlien dávjá doarju boanddaidáššiid Facebook:a bokte.

Odne mearriduvvo

Odne maŋŋelgaskabeaivvi mearriduvvo gii dat oažžu iežas nama gáhttanamman Aker Brygges, Oslos. Gilvui ledje boahtán lagabui 2800 nammaárvalusa, ja Olmmáivákki gáicaboandda, Even Steinlien namma lea ain fárus. Su nammaárvalus lea okta dain 28 geat gilvalit loahpagilvvus.

Ii vuordde iežas vuoitit

Ieš Steinlien ii loga iežas vuordit vuoitit nammagilvvu go doppe leat earát geat leat eanet dovddus go son, muhto su mielas lea somá go lea beassan gilvui ja go šattai mátki oaivegávpogii.