Hopp til innhold

Ságastallet vaššiságaid birra

Vaššiságat ja rasisma neahtas sápmelaččaid vuostá lea Suomas leamaš olu sáhkan vássán áiggiin. Ášši lea bohciidahttán fuola sámemánáin- ja nuorain, ahte mo dát vaššiságat váikkuhit sin boahttevuhtii.

Nuorra, Rosa-Máren Juuso, Gárasavvonis, lea okta dain guhte lea neahtas oaidnán vaššiságaid sámiid birra.

– Dat hupmet ilgadit sápmelaččaid birra. Boahtá čoavjái dakkár ilgadis dovdu go lohká daid. Sáhtán gal lohkat, ahte mun lean oaidnán nieguidnai dan birra, dakkár heajos nieguid, lohká son.

Suoma Sámedikki ovddeš ságadoalli, Tiina Sanila-Aikio, lea fuolas das go sámenuorat galget vásihit neahtas vaššiságaid ja rasismma.

– Dálá čálašeamis geavahit hui garra giellagovaid. Dát lea hui váivi ja dainna leat stuorra váikkuhusat min mánáide ja nuoraide, sin dorvvolašvuođa dovdui, lohká Sanila-Aikio Yle sámi ođđasiidda.

Tiina Sanila-Aikio i møtesal i Utsjok
Foto: Nils Henrik Måsø / NRK

Korte nyheter

  • Baggosáhkohit Finnmárkoopmodaga

    Luonddudirektoráhta árvvoštallá bággosáhkohit Finnmárkkoopmodaga go eai leat čorgen dan boares fanasdivohaga Buođggáidnjárggas, Finnmárkkus.
    Nu čállá Mátta-Várjjat áviisa
    Luonddudirektoráhta oaivvilda ahte finnmárkkuopmodat guhte eaiggáduššá báikki dál, sis dat lea geatnegasvuohta čorget guovllu.
    Fefo ges čujuha ahte stáhtas dat lei eaiggátvuohta báikái, go nuoskkiduvvui.

    FEFO vinter
    Foto: Mariam Eltervåg Cissé / NRK
  • Ođđa soahtevuojániid Norgii

    Dál go Norga sádde soahtevuojániid Ukrainai, de fertejit seammás oastit ođđa vuojániid, oaivvilda ovddeš suodjalushoavda Harald Sunde. Norggas lea odne 36 soahtevuojána doaimmas, muhto ii leat vel čielggas galle dáin vuojániin sáddejit Ukrainai. Suodjalus lea guhká plánen lonuhit soahtevuojániid go vuojánat leat 40 jagi boarrásat.

    Tidligere forsvarssjef Harald Sunde.
    Foto: Øystein Antonsen / NRK
  • Njuolgga girdiruvtto Romsii

    Davvenjárgga bargiidbellodat háliida bargat dan ovdii ahte šaddá njuolgga girdiruvtto gaskal Honnesvági ja Romssa, čállá Radio Nordkapp
    Mii fertet politihkalaččat ovttasbargat mátkeealáhusain, ealáhusservviin ja Equinor:ain ásahit njuolgga girdiruvtto gaskkal Honnesvági ja Romssa, lohká Davvenjárgga bargiidbellodaga sátnejođiheaddji evttohas Jan Morten Hansen.

    Jan Morten Hansen er regiondirektør i Kystverket Troms og Finnmark
    Foto: Erlend Hykkerud / NRK