Ságastallet ovttastahttimis

Romssa fylkkadiggi áigu ságastallat Nordlánddain, fylkkaid vejolaš ovttastahttimis. Fylkkadikki eanetlohku áiggošii ovttastahttit buot Davvi-Norgga fylkkaid, muhto dan ii doarjjo gal Finnmárku. Bargiidbellodaga joavkojođiheaddji Kari-Anne Opsal oaivvilda ahte lea jierpmálaš mearrádus fas deaivvadit ságastallat Nordlánddain.

Korte nyheter

  • Boanda lasihan dietnasa

    Gaskamearalaš boanda Davvi-Norgga lea lasihan dietnasa. Jagi 2020 logut čájehit ahte gaskamearalaš boanda oaččui 7 proseantta eanet sisaboađus go jagi ovdal, ja dat lea 21.100 ruvnno lasáhus. Ja lea Norgga bioekonomiija instituhtta, NIBIO, mii lea dutkan 924 doalu rehketdoallologuid, ja 111 dain leat Davvi-Norggas. Mielkebuvttadeapmi lea dat deháleamos doallovuohki Davvi-Norggas, ja gaskamearalaš eanandoallosisaboahtu lei 339.300 ruvnno.

    Kyr i fjøsen
  • Cuiggoda Máilmmi meašttirčiekčamiid

    Romssa valáštallansearvi, TIL, áigu joatkit cuiggodit dievdduid Máilmmi meašttirčiekčamiid mat lágiduvvojit Qataras boahtte jagi. TIL áigu ovttas Amnesty Internationalain álggahit kampánnja, man mihttu lea čalmmustahttit olmmošvuoigatvuođaid, go boahtte jagi lágidit čiekčamiid. TIL áigu dán jagi maŋemus čiekčamis atnit báiddi mas lea QR-koda. Ulbmil dainna lea go čikčiin váldá gova, de boahtá liŋká kampánnjasiidui mii čalmmustahttá daid hejos beliid Máilmmimeašttirčiekčamiin.

  • Bissehan gumppebivddu

    Beahčeveajis, Nuorta-Finnmárkkus, leat dál gaskaboddosaččat bissehan gumppebivddu. Nu dadjá bivdojođiheaddji Gaute Hallen. Muhtun gumppe galgá speadjan bohccuid ja goddán guhtta bohcco. Ja lea máŋga vahkku aige go lea borgan Beahčeveajis, ja nu ii leat doarvái muohta vai besset guorrat gumppe luottaid, dadjá Hallen.

    Ulv i buffersona i Rendalen
    Foto: Innlandet bondelag