Ságastallet bivdonjuolggadusaid
Ihtin deaivvadit buot vihtta Finnmárkku stuorradiggeáirasa, ságastallat dan nu gohčoduvvon Deanu-soahpamuša, mii guoská boahtteáigge Deanučázádaga luossabivdonjuolggadusaide. Dát boahtá ovdan Finnmarkenis. Ovddádusbellodaga Jan-Henrik Fredriksen ii leat dán áššis ovttaoaivilis iežas ráđđehusain. Su mielas ii galgga ráđđehus dohkkehit evttohuvvon šiehtadusa Suomain, go eai leat doarvái bures ovdalgihtii šiehtadallan báikkálaš ovddasteddjiiguin, su oaivila mielde.