NRK Meny

Sagastallan sámi heahteveahka birra

Dáhttu ahte buoridit heahteveahkabálvaluas sámegillii lei fáddán go Servodatsihkarvuođa- ja gearggusvuođadirektoráhtta otne deaivvadii sámediggeáirasiiguin ja 110-heahtebálvalusain.
Sámediggeráđđi Henrik Olsen namuhii man stuora váttisvuohtan lea go sámegielhubmit riŋgejit heahtebálvalussii ja go doppe eai ipmir sin giela. Ja dat mielddisbuktá ahte manná guhkit áiggi ovdal go heahteveahkit dihtet vuolgit rivttes báikái.
Departemeanta háliida boahtteáiggis časkit heahtenummariid oktii, ja Olsen jáhkká ahte dat dagaha álkibun organiseret heahteveahkkebálvalusa sámegillii maid.