Saemien Sijten våaroe

Saemiedigkie raerien Ann-Mari Thomassen jeahta, – Daelie Saemien Sijten våaroe jih beetneh-vierhtieh staaten budsjedteste åadtjodh.

Saemien Sijte

Daesnie Saemien Sijten orre gåetie sijjie sjædta jis beetneh-vierhtie åådtjoe.

Foto: Pressebilde / saemiensijte.no

Daan våhkan dellie Nøørjen reerenasse raarastalleminie, guktie dihte staaten budsjedte, båetien jaapan sjædta. Reerenasse daam bïevnesem golken 8.b. buakta.

Saemiedigkie raerien Ann-Mari Thomassen tuhtjie daelie lean, guhkiem barkeme jih soejkesjamme, guktie Saemien Sijte, Snåasesne edtja vååjnedh.

Ann-Mari Thomassen

Saemiedigkie raerien Ann-Mari Thomassen sæjhta tjielkemem åadtjodh.

Foto: Dan Robert Larsen / NRK

–Daejnie prosjeektine guhkiem barkeme, 25 jaepieh. Eah leah reerenasse daam aamhtesem gietedalleme gænnah. Daelie tjuerieh dah åarjel saemieh tjielkemem åadtjodh, jeahta Thomassen.