Saemien psyjhkeles healsoe viehkie edtja buerebe Sveerjesne sjïdtedh

Luhkie govhte skiemtje såjhterh Jïemhteste, Västerbottneste, Norrbottneste edtjieh Nøørjese vuelkedh, jih Sanksene – Saemiej nasjovnaale maahtoejarngene åahpenidh.

Samisk nasjonalt kompetansesenter - psykisk helsevern og rus, SANKS

Sanks- Saemiej nasjovnaale maahtoejarne, Karasjohkesne, Nøørjesne.

Foto: Dan Robert Larsen / NRK

Daate lea daan gaavhtan edtjieh saemien psyjhkeles healsoe faaleldahkem Sveerjesne bueriedidh.

– Saemieh jeatja psyjhkeles healsoe viehkiem daarpesjieh. Skiemtje såjhterh tjuerieh maahtoem utnedh saemien kultuvren bijre, gosse gie akt viehkien mietie tjåarvoeh. Dellie vihkeles skiemtje såjhterh daejrieh guktie edtjieh daejtie pasientide dåastoehtidh, primärvårde ektiedæjja Norrbotten leenesne, Peter Bergmane, Leeneplaaran, ltz.se bievnede.

Vihkeles saemien maanah jih noeride viehkiehtidh.

Skiemtje såjhterh jih åejvieh edtjieh lieredh jih maahtoem åadtjodh guktie Nøørjesne berkieh. Guktie edtjieh Saemien maana –jih noeride bøøremes sujhtedh. Tjoeveribe maehtedh seamma viehkiem Sveerjesne faaledh.

Daate lea prosjeekte maam Sosiale departemeente Sveerjesne åtna. Ulmie lea jih latjkedh, magkeres healsoe- jih skiemtj viehkiem, edtjebe skiemtjgåetine faaledh.

Saemiedigkie, Svienske saemien rijhkesiebrie jih Saminuorra edtjieh dåeriedidh.