Saemiej Åålmege biejjie jih daate laavvedsbiejjie, hielje. Stoerre gihtjelommes lij, man jijnjh almetjh båetieh? Nåå jaah, båata gie båata, Saemien Sijten åejvie Birgitta Fossume mojjehte.
– Im vienhth, man gellie båetieh! Laavvedsbiejjie jih Johkemaehkien maarhnade, seamma biejjien, mejtie gie båetieh? Fossume tjoeperde.
Læjhkan dagkeres tjuatseldh biejjie, sijhtin jijnjh almetjh Saemiej Åålmege biejjiem Snåasesne heevehtidh
Voestes dam saemiej laavlomem laavloejin, Åarjelsaemiej skuvlen internaaten sjåljoesne. Daan mænngan Saemien Sijte prijhtjegem jih sieties laejpieh bøøri. Akte noereh nïejte Jonna Dunfjeld Mølnvik tuhtjie trøjjes biejjie.
– Daate lea mijjien biejjie! Åadtjem gaeptiem gaarvoehtidh jih nemhtie, Mølnvike jeahta.
Snåasen tjïelten åejvieTone Våg, Saemiej åålmegebiejjiem læhkoehti jih Thomas Lyngman Gællok gitaarem spealedi jih joejki.
Dalvedh
Daelie åadtjoeh nuepiem vuejnedh daam vuesiehtimmiem Dalvedh, maam dihte guvvieh tjiehpedæjja Sissel Bergh jih musihkere Frode Fjellheim dorjeme. Dalvedh lea histovrije burkiestimme jih buerkistimmie vaajesi bijre. Øøhpetimmie jih kultuvre fylhkeraerie Maj Britt Lagesen daam vuesiehtimmiem rïhpesti. Dalvedh maahta Saemien Sijtesne vuejnedh.
Heamture vaajesh.
Åarjelsaemien Intenaatesne åadtjoejin dah maanah heamture vaajesh govledh jih daan mængan åadtjejin guvviedidh jih stååkedidh. Jone Kappfjell, Namskoganste, Saemiej Åålmege biejjiem, Snåasesne heevehti. jih daam aaj Elise Jåma, Snåaseste darjoeji.