NRK Meny
Normal

Vïjhte væjkele saemien noereh Saemiedigkien kultuvre jih saavrehke stipeendem åadtjoeh

Dah tjiehpies noereh Saemiedigkien kultuvre- jih saavrehke stipeendem åadtjoeh. Ole Mathis Sara Nedrejord, Aslak Ole Eira, Ina-Theres Andrea Sparrok, Sarakka Gaup, jih Anne Maia Raanes Sørensen.

Ina-Theres Sparrok

Ina-Theres Andrea Sparrok, Voengel-Njaarkeste åådtje Saemiedigkien kultuvre stipeendem.

Foto: Privat

Saemiedigkien kultuvre jih saavrehke stipeende edtja saemien noeride eadtjaldovvedh jih svïhtjedh, musihkene, kåanstene, kultuvrene gïehtelidh. Vijhte stipeendh à 25 000 kr.

Saemiedigkieraerien Henrik Olsen geerjene daan jijnjh tjiehpies noereh daejtie stipeendide ohtseme.

– Daate vuesehte jijnjh væjkeles noereh tjiehpies kultuvrem vaarjelidh jih svïhtjedh. Daate joekoen båatijen beajjan sjædta. Geerve sjidti veeljedh gieh mah edtjieh stipeendide åadtjodh, Saemiedigkie raerien Henrik Olsene jeahta.

Svïhtjeme stipeendide dah guaktah åadtjoejægan.

Ole Mathis Sara Nedrejord treavka gujmie njolhtjoe jih Aslak Ole Eira tjuajka.

Aslak Ole Eira

Aslak Ole Eira.

Foto: Dan Robert Larsen

Dah kultuvre stipeendide åadtjoeh.

Ina-Theres Andrea Sparrok tjiehpies guvviedidh. Dihte tjiehpies laakan åarjelsaemien båatsoe-jielemem vïhtesjamme. Guvvieh nuhtjeme jih dej bijre tjaaleme. Guvvieh gujmie maahtoem vuesehte, saemien gïele jih kultuvren bijre. Dihte skreejrede jeatja saemien noeride jih guvvietjeahpoem nuhtjedh, Saemiedigkie tjaala.

– Sjidtim gaajh feejjene. Tuhtjem stoerre earoe daam stipeendem åadtjodh. Daelie manne båatsoe-learohke aehtjien ektesne. Manne sijhtem båatsoe-jielemen gaajhkh biejjieh vuesiehtidh. Ij leah barre tjaebpies låvnadahke, miesieh mïerhkesjidh jih nemhtie. Jijnje barkoe båatsone barkedh ,nåake vearolde, tjåetskemes jih aaj jijjen ryøjnesjidh, Sparroke jeahta.

Misse edtjh beetnegidie nuhtjedh?

– Åhh... manne sijhtem mov guvvie dalhketjh orrestidh, dellie son buerebe jih tjïelkebe guvvieh sjædta! Ina- Theres mojjeste.. Jih niekedassem åtnam, maahtam guvvide vuesiehtidh.

Jienebh mij kultuvre stipeendem åadtjoeh.

Sarakka Gaup lea tjiehpies dorjehtæjja jih Anne Maia Raanes Sørensen lea balette-daanhtsere.