Saarivuoma čearru vuoittáhalai
Maŋŋit eahket ikte bođii duopmu Sárevuomi čearu ja Norgga stáda áššis. Saarivuoma ságadoalli Per Anders Nutti duođašta ahte Norgga stáda dat vuittii. Sárevuomi čearru lei stevnen Norgga stáda diggái gáibidan dihtii vuoigatvuođa bohccuiguin bargat Norgga bealde. – Lean hirbmadit behtton. Mii leat guhká bargan ja mis lei jáhkku ahte galggai mannat min miela mielde. Muhto seammás dihten ahte ná sáhtii maid geavvat, nu lohká Nutti. Sii eai leat vel mearridan guoddalit go duomu vai eai.